Точно по 10 години, во Passage изминатиов викенд беше организирана втората Пижама Party.

Галеријата можете да ја погледните на следниов линк:

• Пижама Party @ 11.04 2009 сабота

а за потсетување или информирање на помладите генерации, можете да ја погледните галеријата за тоа како некои други генерации, пред една деценија се журкаа на првата:

• Пижама Party 24.04 1999

   Во недостаток на време да изработиме честитка со кокиче, како на времето во училишните денови, машкиот дел од Пасаж, се одлучи на овој начин на сите припаднички од понежниот пол да им го честита:

Среќен 8-ми Март!

   Со надеж за зголемена консумација на јужно овошје (според препораките на медицинските лица), се со една цел да ни бидете поздрави, поубави и повесели!

     После завршеното славење на 13 годишното постоење на cafe Passage, ги средивме импресиите и сликите, кој беше нека коментира како поминал, кој не беше нека погледни како беше, кој беше и со кој беше, беше, беше:

• Тик-Так,  04.02`09
• Роденденска Журка,  07.02`09
• По Свадба - Тапани, 11.02`09

Ново видео на BBC за добро познатата „Love will tear us apart“ на најголемиот мит во рок музиката во изминатите 30 години Joy Division, бенд кој со неколку годишното постоење на крајот од 70-тите направи музички земјотрес во модерната музика, последици кои се чувствуваат и денес.

     Учениците од Основното Училиште „Гоце Делчев“ во с.Могила започнаа со уредување и издавање на новиот школски весник „МОСТОВИ“ во кој се информира за активностите на учениците во училиштето, творечко катче во кое се презентираат делата на младите поети и уметници, забавна страница…     страници во кои е вложено многу труд и љубов.

     Во секој случај вреди да се разлиста, да се запознаете како размислуваат новите генерации, па тркнете до најблиското комшивче сигурно ги има првиот и вториот број, а третиот веќе се подготвува.

Компјутеру машино добра
опасна си ко кобра.
Кога пецнеш заведуваш
и во соба со тебе затвораш.

Компјутеру машино моја
да ти ја ебам мамата твоја.
Од мене направи изрод гаден
за твоите програми вечно гладен.

Сегде јас монитор гледам
сегде верно јас те следам.
Јас сум сега твој роб
везден пишувам изворен код.

За другари време немам
нова програма јас спремам.
Како може да сум таков труп?
Како може да сум толку глуп?

За нормален муабет зборови немам
како некој да ми ги земал,
но за тебе штом се збори
мене душата ми гори.

Машино одвратна ти ме плени
ме одалечи од сите жени.
На рам и хард јас се палам
наместо девојчинја да галам

Пред тебе многу време чмаам
и сега за тоа се каам.
Со тебе многу време губам
да те откачам се трудам

Доста со тебе јас се бафтам
најарно е со секира да те скршам
Најдобро е да те скрсам
со другарството наше јас да свршам.

Морам да ти ставам крај
да видам малку што е рај.
Да престанам да компајлирам
малку душа да си смирам.

Да видам малку подруг свет
да видам птица во слободен лет

    Додека ги  средувате импресиите од роденденската журка и го спуштате покачениот шеќер во крвта од роденденската торта, не ги објавуваме сликите, туку Ве покануваме на уште една роденденска журка во среда 11.02 2009 година:

     Знаеме дека така ќе речете и вие: „По свадба -тапани“, но имаме и повод. Со оглед на тоа што ова му е 13-та година од опстојувањето на cafe Passage моравме нешто да превртиме (да не ги облекуваме гајќите однопаку, или да ги превртуваме масите!), го превртивме распоредот на прославата со цел да го избркаме малерот од тринаесетката и против уроци!

   Торта повторно не очекувајте, но затоа ќе има тапани и други матракулии:

• Моксој на Ni4e и Dj P.R.L.E.

• Премиера  на т.н. документарец: „13 луди години cafe Passage“

• ТИК - ТАК во живо и

• … пиење на мртво.

Кој милува, нека повели,  за импресиите (сликите)  да бидат комплетни!

Викендов се одржа Турнир во фудбалче кај Жика, во кој учествуваа повеќе екипи, кои при пријавувањето за учеството на истиот уплатуваа по 200 димари (Луѓе дали веќе имаме наша могилска валута? како можело овај значаен момент за развојот на Општината да остане преспиен од наша страна!).

Слики веќе можете да погледнете на „Могилска Шема“ на следниве ликови: 1, 2, 3.

     Во саботата на 24.01 2009 година cafe Passage (за прв пат)  беше местото на една интересна случка. Кире Кумито ја побара за жена Јасмина пред својата верна дружина и Династијата (брачедите) како сведоци. Очигледно владините кампањи во Passage за брзо време започнуваат да даваат резултати, a и треба да се подмладува Passage бандата.

Им ги посакуваме среќен брак и се по ред како што следи и Дај боже на уште вакви убави настани да бидеме сведоци!

Passage Банда

• Погледнете ја галеријата: Водици 2009 Могила,
• а како беше минатата година потсетете се Водици 2008 Могила
• и како се загина крстот на Водици 2007 во Могила

    Во квечерината на Новогодишно-божиќните празници беа одржани неколку концерти на културно уметничките друштва од неколку пелагониски села, меѓу кои и нашето КУД „Димче Могилче“.  На овие концерти веќе се стана Дежа-ву: исти ора, исти кореографии,  исти песни, носии, иста публика… и иста сценографија составена од по неколку распостелени черги со шари карактеристични за селото во кој се случува концертот. Но во Новаци сценографот имал малку повеќе инспирација, за разлика од другите, па покрај платнените черги во сценографијата вклучил и кочани и низи суви пиперки. Не знам колку сувите пиперки се заштитен знак за тој крај, но според нас оригинално и соодветно би било да има на пример облаци чад или опалени гулаби како колваат на кочаните!  

   Cafe Passage е дел од македонските трендови, па на големо го поддржува владините кампањи, доволно има ѕидови за лепење на разни ми ти флаери за кампањите, па на следнава слика може да се забележат барем  две: за забрана на пушењето на јавни места, и кампањата за трето дете.

    По гледањето на овие флаери од страна на гостите во Passage, заклучокот би бил: „Могилки не го чурете, туку раѓајте  деца!“